II नवग्रह स्तोत्र II
जपाकुसुम सङ्काशं काश्यपेयं महाद्युतिम् I
तमोरिं सर्वपापघ्नं प्रणतोSस्मि दिवाकरम् II १ II
दधिशङ्खतुषाराभं क्षीरोदार्णवसंभवम् I
नमामि शशिनं सोमं शंभोर्मुकुटभूषणम् II २ II
धरणीगर्भसंभूतं विद्युत्कांतिसमप्रभम् I
कुमारं शक्तिहस्तं तं मंगलं प्रणाम्यहम् II ३ II
प्रियंगुकलिकाश्यामं रूपेणाप्रतिमं बुधम् I
सौम्यं सौम्यगुणोपेतं तं बुधं प्रणमाम्यहम् II ४ II
देवानाञ्च ऋषीनाञ्च गुरुं काञ्चनसन्निभम् I
बुद्धिभूतं त्रिलोकेशं तं नमामि बृहस्पतिम् II ५ II
हिमकुंद मृणालाभं दैत्यानां परमं गुरुम् I
सर्वशास्त्रप्रवक्तारं भार्गवं प्रणमाम्यहम् II ६ II
नीलाञ्जन समाभासं रविपुत्रं यमाग्रजम् I
छायामार्तंडसंभूतं तं नमामि शनैश्चरम् II ७ II
अर्धकायं महावीर्यं चन्द्रादित्य विमर्दनम् I
सिंहिकागर्भसंभूतं तं राहुं प्रणमाम्यहम् II ८ II
पलाशपुष्पसंकाशं तारकाग्रह मस्तकम् I
रौद्रं रौद्रात्मकं घोरं तं केतुं प्रणमाम्यहम् II ९ II
इति श्रीव्यासमुखोद्दीतम् यः पठेत् सुसमाहितः I
दिवा वा यदि वा रात्रौ विघ्नशांतिर्भविष्यति II १० II
नरनारी नृपाणांच भवेत् दुःस्वप्ननाशनम् I
ऐश्वर्यमतुलं तेषां आरोग्यं पुष्टिवर्धनम् II ११ II
ग्रहनक्षत्रजाः पीडास्तस्कराग्निसमुद्भवाः I
ता सर्वाः प्रशमं यान्ति व्यासो ब्रुते न संशयः II १२ II
I इति श्रीव्यासविरचितमादित्यादिनवग्रहस्तोत्रं सम्पूर्णम् I
Image by google
