Shritakamala Mangal Geetam | श्रितकमला-कुचमण्डल With JPG

Shritakamala Mangal Geetam 
श्रितकमला कुचमण्डल  
मंगलगीतम्




श्रितकमला-कुचमण्डल धृतकुण्डल ए ।
 कलित-ललित-वनमाल जय जय देव हरे ।।

 दिनमणि-मण्डल-मण्डन भवखण्डन ए ।
 मुनिजनमानस-हंस जय जय देव हरे ।।
 
 कालिय-विषधर-गञ्जन जनरञ्जन ए ।
 यदुकुल नलिन दिनेश जय जय देव हरे ।।
 
 मधुमुर-नरकविनाशन गरुडासन ए ।
 सुरकुल-केलिनिदान जय जय देव हरे ।।
 
 अमल-कमल-दललोचन भवमोचन ए ।
 त्रिभुवन-भुवननिधान जय जय देव हरे ।।
 
 जनक-सुताकृतभूषण जितदूषण ए ।
 समर-शमित-दशकण्ठ जय जय देव हरे ।।

 अभिनव-जलधर सुन्दर धृतमन्दर ए ।
 श्रीमुख-चन्द्रचकोर जय जय देव हरे ।।
 
 तव चरणं प्रणता वयम् इति भावय ए ।
 कुरु कुशलं प्रणतेषु जय जय देव हरे ।।

 श्रीजयदेव-कवेरिदं कुरुते मुदम् ए ।
 मङ्गलमुज्ज्वल-गीतं जय जय देव हरे ।।

इति श्रीजयदेव कवि विरचितम् मंगलगीतम्
Previous Post
Next Post